I PacPac mo!

Oo. siya nga, yung pambansang kamao natin, yung ginawan ng banner ng MMDA na “Manny, Isa kang bayani”, yung bida sa commercial ng san miguel beer, Yung boksingero, siya nga! Siya yung sumayaw!

Ilang minuto makalipas ang alas dose ng tanghali, err, hapon ata EWAN!, Nanonood ng noontime show ang lola ko, habang ako naman ay nag uupdate ng prenster account sa halip na gumawa ng assignment o Mag review para sa midterm exams. Nasa sala ang lola ko, nasa taas naman ako, pero dahil maliit lang ang tinitirhan namin, at wala akong choice kundi aminin yun, Eh rinig na rinig ko yung T.V.

Naging maayos naman ang kalagayan ng lola ko, yun ay nung bago niya ilipat sa GMA ang channel ng TV, Payapa akong nagiisip ng bagong article na ipang boblog ko (kahit alam kong walang bumabasa), Hanggang sa narinig kong may kumalabog sa sala, dali dali akong uhh.. nagmadali upang usisain yung narinig kong pagkalabog, At pagdating ko sa sala, Nakita ko ang lola ko na literal na Nalaglag sa upuan kakatawa! Tinanong ko kung bakit, hindi ko naintindihan ang sagot niya dahil puro tawa ang narinig ko, at puro turo sa TV ang ina-aksyon niya.

Itinuloy ko ang pagbaba sa hagdan at sumilip sa tinuturo ng mahal kong lola, at ito ang tumambad sa akin:

Hindi ko napagilan ang tawa ko, tumalsik pa nga ata yung laway ko. Pag nakita mong sumayaw si Manny, para mo na ring nakitang nag ballet si Bayani Fernando. Sobrang husay nung nakaisip na pasayawin si Pacman on Air. Wala bang hall of fame para sa mga brilliant ideas na ganun? Parte na ng kasaysayan si Manny. Kung maisusulat siya sa isang history book pagkalipas ng mga ilang taon bilang “bayani noong 2007”, Wag sana itong picture na ito ang ipublish dun, sa tingin ko, hindi siya rerespetuhin ng mga Future batang Pilipino (halakhakhakhak). O kaya naman, pagkatapos ng huling laban niya sa World Championship, Habang Masayang masaya ang mga Pilipino, habang united na united ang mga pinoys, Habang ang background music ay “We are the Champions”, at gusto mo nang maiyak sa sobrang tamis ng tagumpay niya, Biglang ifa flash yang picture na yan sa kalagitnaan ng kanta. (Nyakhakhakhak).

Sa madaling salita ay natapos na siyang sumayaw at kumanta, habang ako, hindi pa rin tapos sa kakatawa. At nung natapos na ako, tumigil ako sandali para i-summarize ang mga natutunan ko sa nasabing scandal:

- Hindi totoong sa boxing lang magaling si Manny, sa pagpapatawa rin.

- Humble talaga siya at hindi tumatangging magmukhang tanga sa national television.

- Pwede siyang bida sa isang documentary ng national geographic na ang title ay “Stick to what you’re best at”

- Pag tinignan mo ulit yung picture, mapapansin mo na kasing kapal ng kilay niya ang bigote niya, MALI! Mas makapal pa pala. (Halakhak)

- Meron siyang kamukhang Chinese na artista, yun ata yung kalaban lagi ni Jackie Chan.